26 октября 2025 года, в Неделю 20-ю по Пятидесятнице, память святых отцов VII Вселенского Собора, Иверской иконы Божией Матери, Божественную литургию в храме Всемилостивого Спаса совершил настоятель храма протоиерей Михаил Подолей в сослужении клира.
Тропарь отцов, глас 8:
Препросла́влен еси́, Христе́ Бо́же наш,/ свети́ла на земли́ отцы́ на́ши основа́вый/ и те́ми ко и́стинней ве́ре вся ны наста́вивый,// Многоблагоутро́бне, сла́ва Тебе́.
Кондак отцов, глас 6:
И́же из Отца́ возсия́в, Сын неизрече́нно/ из Жены́ роди́ся, сугу́б естество́м,/ Его́же ви́дяще, не отмета́емся зра́ка изображе́ния,/ но, сие́ благоче́стно начерта́юще,/ почита́ем ве́рно./ И сего́ ра́ди и́стинную ве́ру Це́рковь держа́щи,// лобыза́ет ико́ну вочелове́чения Христо́ва.
Тропарь Божией Матери пред иконой Ее Иверской, глас 1:
Де́рзость ненави́дящих о́браз Госпо́день/ и держа́ва нечести́вых безбо́жно в Нике́ю прии́де,/ и по́сланнии безчелове́чно вдови́цу,/ благоче́стно чту́щую ико́ну Богома́тере, истязу́ют,/ но та́я но́щию с сы́ном ико́ну в мо́ре пусти́, вопию́щи:/ сла́ва Тебе́, Чи́стая,/ я́ко непроходи́мое мо́ре плещи́ своя́ подаде́,// сла́ва правоше́ствию Твоему́, Еди́на Нетле́нная.
Кондак Божией Матери пред иконой Ее Иверской, глас 8:
А́ще и в мо́ре вве́ржена бысть свята́я ико́на Твоя́, Богоро́дице,/ от вдови́цы, не могу́щия спасти́ сию́ от враго́в,/ но яви́лася есть храни́тельница Афо́на/ и врата́рница оби́тели И́верския, враги́ устраша́ющая/ и в правосла́вней Росси́йстей стране́// чту́щия Тя от всех бед и напа́стей избавля́ющая.
Проповедь настоятеля храма протоиерея Михаила Подолея